|
Back to Blog
Sámi journalista bálkkašupmi 20221/9/2023  Mii lea buoremus sámi journalisttalaš buvttadeapmi jagis 2022? Evttot dál ja oza sámi journalistabálkkašumi. Journalisttalaš buvtta galgá leat buvttaduvvon gaskkal ođđajagimánu 1. beaivvi 2022 - Juovlamánu 31. beaivvi 2022. Eará njuolggadusat ohcamii leat ahte: Bargu lea sámegillii ja sámi/álgoálbmot fáttás. Buot lágan journalisttalaš bargguid ovddas sáhttá oaččut bálkkašumi. Sámi journalisttaid searvi lea várren 20`000 ruvnno 2022 sámi journalistabálkkašupmái. Jury árvvoštallá ohcamušaid vuođul ahte addá go ovtta bálkkašumi vai juohká go supmi moatti bálkkašupmin. Jurys leat 4 lahttut. SJS stivrras ii leat sadji jurys. Áigemearri ohcat bálkkašumi lea ođđajagimánu 9 beaivvis guovvamánu 9 beaivái 2023. Don sáhtát ieš evttohit du dehe du joavkku buktaga. Doaimmahusat sáhttet maid sáddet evttohusaid. Don deavddat ohcan/evttohasskovohcanskovvi_2022.pdf ja sáddet dan deike: samijournalista@gmail.com
Back to Blog
SJSa foandastivrra mearridii gáiddusvideočoahkkimis 19.05.2022 juolludit čuovvovaš oahppostipendaid:
Lars-Ola Marakatt, čuovvut Árktálaš dálveriemuid ja mo álgoálbmot media gokčá riemuid 10000 ru. Maria Saijets, sámi journalisttaid árvovuođu ja journalisttalaš kultuvrra 10000 ru. Nils Johan Vars, lullisámegieloahpahus 10000 ru. Sámi Journalisttaid Searvvi stipeandda ulbmil lea doarjut journalisttaid ja journalista-studeanttaid prošeavttaid ja mátkkiid mat leat journalistafágalaččat ovddádussan. Sáhttá maid ohcat ruđa dihto prošeavttaide ovddidandihte journalistalaš buktagiid dahje dutkamuša. Stipeandastivra (foandastivra) árvvoštallá oahppo- ja reportášamátkestipeandaohcamiid oktii jagis ja juohká stipeanddaid jos gávnnaha ohcciid ja ohccamiid ánssášit stipeandda. Stipeandastivra (foandastivra) lea sorjjasmeahtun ja dan fágalaš mearrádus ii sáhte guoddaluvvot.
Back to Blog
SJS medias3/24/2022 
SJS stivrralahtu Máret Steinfjell dan birra go ruvkefitnodat jođiheaddji sivahallá Aftonbladeta journalista leat bealálaš iežas sámi duogáža dihte. “Mon suhtadin go oidnen dan čuoččuhusa. Muhtto dat ii hirpmahuhttet mu go mon dieđan ahte olu sámi journalisttat leat vásihan dan.”
Back to Blog
Sámi journalisttaid stipeanda 20223/8/2022 Ohcanáigemearri lea miessemánu 15. beaivvi 2022!
Sámi Journalisttaid Searvvi (SJS) stipeandda ulbmil lea doarjut journalisttaid ja journalista-studeanttaid prošeavttaid ja mátkkiid mat leat journalistafágalaččat ovddádussan. Sáhttá maid ohcat ruđá dihto prošeavttaide ovddidandihte journalistalaš buktagiid dahje dutkamuša. Stipeandda sáhttet ohcat journalisttat, govvejeaddjit ja eará bissovaš doaimmahuslaš mielbargit, dahje luođobargit, geat leat leamaš SJS miellahtut unnimusat ovtta jagi. Ohccit galget jeavddalaččat buvttadit doaimmahuslaš buktagiid sámegiel avissaide, radio- dahje TV-sáddagiidda, áigečállagiidda, magasiinnaide, neahttaáviisaidde, jna. Dárkkilis bušeahtta galgá čuovvut ohcámuša. Stipeanddaid stuorradagat leat gaskal NOK 5000,- ja 30 000,-. Stipeandavuostáiváldi(t) galgá/galget gárvvistit raportta gos prošeavtta čađaheapmi ja ruhtageavaheapmi čilgejuvvo. Raporta galgá leat sámegillii, ja dat galgá dahkkot maŋemusat jahkebeale maŋŋel prošeavtta čađaheami. Jos raporta ii čállo, de sáhttá stipeandafoanda bivdit juogo osiiid dahje olles stipeandda máksojuvvot ruovttoluotta. Maŋŋil ollášuhtton prošeavtta lea ohcci geatnegahtton ovdanbuktit iežas barggu SJS Facebook siiddus. Stipeanda máksojuvvo guovtti oasis. Álggos máksojuvvo 75%, ja reasta máksojuvvo go raporta lea boahtán foanddastivrii. Lassi dieđuid sáhttá jearrat stipeandalávdegotti jođiheaddjis, Per Inge Anthi Åsen, tlf +47 957 92 728 dahje e-boasta bokte: piera.inge@gmail.com Ohcan sáddejuvvo elektruvnnalaččat piera.inge@gmail.com Ohcanáigemearri lea miessemánu 15. beaivvi 2022.
Back to Blog
Bovdehus jahkečoahkkimii2/28/2022 Njukčamánu 26. beaivvi 2022 lágiduvvo jahkečoahkkin Lapland Hotel Heahtas, ja mii bovdet dákko bokte buot miellahtuid searvat. Šaddá maid logaldallan ja workshop dan vahkkoloahpa!
Jus dus lea ášši maid háliidat jahkečoahkkin galgá gieđahallat, de fertet sáddet SJS stivrii ášši dán čujuhussii: samijournalista@gmail.com ovdal njukčamánu 15. beaivvi. Jus it leat miellahttu, de sáhtát šaddat go mávssát 300 ruvnno kontonr 4901 11 33710. Jus šattat miellahttun ovdal njukčamánu 19 beaivvi 2022, de leat mielde vuorbádeamis mas vuoitun lea Ipad. Searvi gokča mátki, orruma ja borrámuša bearjadagas sotnabeaivái. Mii sávvat sihke boares ja ođđa miellahtuide bures boahtin. Dieđiheapmi maila bokte: samijournalista@gmail.com. |
