Njuolggadusat
§ 1 Namma
Searvvi namma lea Sámi Journalisttaid Searvi, oaniduvvon SJS. (Eŋgelasgillii: The Association of Sami Journalists)
§ 2 Ulbmil
Sámi Journalisttaid Searvi galgá
• ovddidit sámi journalistihka ja earenoamážit sámi journalistihka sámegillii.
• doarjut ja nannet miellahtuid sosiala ja journalistafágalaš beroštumiid.
• bealuštit doaimmahuslaš sorjjasmeahttunvuođa.
• váikkuhit servvodaga mediapolitihkii.
• ovttasbargat eará eamiálbmogiiguin.
§ 3 Miellahttovuohta
Miellahttun beassá sápmelaš journalista gii doarju searvvi ulbmila. Maiddái sámi mediastudeanttat ja journalisttat geat leat ealáhahkii mannan sáhttet ohcat ja beassat miellahttun. Searvvis leat guovttelágan miellahtut:
• dábálaš miellahttu.
• studeantamiellahttu.
Journalisttat guđet gaskaboddasaččat guđđet journalistabarggu sáhttet ohcat doalahit miellahttuvuođaset.
Miellahttu sáhttá lihccujuvvot jos bargá searvvi ulbmila vuostá dahje jos rihkku searvvi njuolggadusaid dahje jos meanuid dahje lahttema bokte billista searvvi nama.
§ 4 Miellahttomáksu
Miellahttovuohta čuovvu kaleanddarjagi. Dat máksá ahte lea miellahttu dan kaleanddarjagi go máksá miellahttomávssu. Jahkečoahkkin mearrida miellahttumávssu sturrodaga.
§ 5 Jahkečoahkkin
Jahkečoahkkin lea searvvi alimus mearrideaddji ja dollojuvvo juohke jagi, dábálaččat ovdal geassemánu 1. beaivvi.
Jahkečoahkkima álggadettiin
• válljejuvvo čoahkkinjođiheaddji.
• válljejuvvo čoahkkinčálli.
• válljejuvvojit 2 beavdegirjedárkkisteaddji.
• dohkkehuvvo čoahkkingohččun ja áššelistu.
Jahkečoahkkin galgá gieđahallat
• stivrra jahkedieđáhusa.
• reviderejuvvon rehketdoaluid.
• ovddiduvvon evttohusaid.
• ovddiduvvon doaibmaplána ja bušeahta.
• rievdadusaid miellahttumávssus.
Jahkečoahkkin galgá válljet
• jođiheaddji, stivralahtuid ja várrelahtuid.
• válgalávdegotti.
• stipeandastivrra.
• váiddalávdegotti.
• stivralahttu oktan várrelahttuin Sámikopiija stivrii ja buhtadussoabadallamiidda.
§ 6 Stivra
Stivra jođiiha searvvi doaimmaid jahkečoahkkimis nubbái. Stivrras leat 5 stivralahtu ja 3 várrelahtu ja leat jahkečoahkkimis ná válljejuvvon:
• stivrajođiheaddji ovtta jahkái hávális.
• 4 stivralahttu guovtti jahkái hávális nu ahte guovttis molsojuvvoba juohke jagi (beavdegirjái merkejuvvo stivralahtuid doaibmaáigodat).
• 3 várrelahttu ovtta jahkái hávális nummáraston 1., 2. ja 3. várrelahttu.
Ođđa stivra galgá vuosttaš čoahkkimis maŋŋil jahkečoahkkima konstitueret iežas ja válljet gii galgá leat
• nubbi jođiheaddji.
• čálli.
• ruhtadoalli.
• stivralahttu.
§ 7 Válgalávdegoddi
Válgalávdegoddi ovddida evttohusa jahkečoahkkima luohttámušolbmoválggaide. Válgalávdegottis leat 2 áirasa, jođiheaddji ja lávdegoddelahttu. Válgalávdegoddi evttoha olbmuid dáiddá luohttámušdoaimmaide:
• jođiheaddjin.
• stivralahttun/várrelahttun.
• válgálávdegoddái.
• stipeandastivrii.
• váiddalávdegoddái.
• Stivralahttu oktan várrelahtuin Sámikopiija stivrii ja buhtadussoabadallamiidda.
§ 8 Stipeandastivra (foandastivra)
Stipeandastivra (foandastivra) árvvoštallá oahppo- ja reportášamátkestipeandaohcamiid oktii jagis ja juohká stipeanddaid jos gávnnaha ohcciid ja ohccamiid ánssášit stipeandda. Stipeandastivra (foandastivra) lea sorjjasmeahtun ja dan fágalaš mearrádus ii sáhte guoddaluvvot. Stipeandastivrras lea 3 lahttut geat leat jođiheaddji ja 2 stivralahttu. Jahkečoahkkin dat vállje
• jođiheaddji.
• 2 stivralahtu.
§ 9 Váiddalávdegoddi
Váiddalávdegoddi gieđahallá áššiid gos searvvi stivrenorgánat sivahallojuvvojit rihkkut searvvi njuolggadusaid dahje jahkečoahkkima mearrádusaid. Váiddalávdegoddi sáhttá maid gieđahallat miellahttuohcama man stivra lea hilgon ja man ohcci lea váidalan váiddalávdegoddái. Váiddalávdegottis leat 3 lahttu geat leat jođiheaddji ja 2 lávdegottelahttu. Jahkečoahkkin dat vállje
• jođiheaddji.
• 2 stivralahtu.
§ 10 Dásseárvu
Sohkabeali dásseárvu galgá čuvvojuvvot go searvi vállje luohttámušolbmuid stivrii, lávdegottiide ja eará luohttámušdoaimmaide.
Stivralahtuid gaskkas berrejit leat unnimusat 40 proseantta goappáge sohkabealis. Dat sohkabealli mii lea stivrras unnitlogus berre beassat eanetlohkui várrelahtuid gaskii ja vuosttaš várrelahttu berre gullat dan sohkabeallái mii stivrras lea unnitlogus.
Guovtti ja golmma olbmo lávdegottiin/stivrrain berrejit goappáš sohkabealit ovddastuvvon. Válgalávdegottis (2), stipeandastivrras (3) ja váiddalávdegottis (3) berrejit dan gávcci lahtus unnimusat 40 proseantta goappáge sohkabealis.
§ 11 Giella
Sámi Journalisttaid Searvi atná sámegiela oktan geađgejuolgin sámevuođa ovddideamis. Danin searvi deattuha sámegiela leamen searvvi váldogiellan.
Searvvi namma lea Sámi Journalisttaid Searvi, oaniduvvon SJS. (Eŋgelasgillii: The Association of Sami Journalists)
§ 2 Ulbmil
Sámi Journalisttaid Searvi galgá
• ovddidit sámi journalistihka ja earenoamážit sámi journalistihka sámegillii.
• doarjut ja nannet miellahtuid sosiala ja journalistafágalaš beroštumiid.
• bealuštit doaimmahuslaš sorjjasmeahttunvuođa.
• váikkuhit servvodaga mediapolitihkii.
• ovttasbargat eará eamiálbmogiiguin.
§ 3 Miellahttovuohta
Miellahttun beassá sápmelaš journalista gii doarju searvvi ulbmila. Maiddái sámi mediastudeanttat ja journalisttat geat leat ealáhahkii mannan sáhttet ohcat ja beassat miellahttun. Searvvis leat guovttelágan miellahtut:
• dábálaš miellahttu.
• studeantamiellahttu.
Journalisttat guđet gaskaboddasaččat guđđet journalistabarggu sáhttet ohcat doalahit miellahttuvuođaset.
Miellahttu sáhttá lihccujuvvot jos bargá searvvi ulbmila vuostá dahje jos rihkku searvvi njuolggadusaid dahje jos meanuid dahje lahttema bokte billista searvvi nama.
§ 4 Miellahttomáksu
Miellahttovuohta čuovvu kaleanddarjagi. Dat máksá ahte lea miellahttu dan kaleanddarjagi go máksá miellahttomávssu. Jahkečoahkkin mearrida miellahttumávssu sturrodaga.
§ 5 Jahkečoahkkin
Jahkečoahkkin lea searvvi alimus mearrideaddji ja dollojuvvo juohke jagi, dábálaččat ovdal geassemánu 1. beaivvi.
Jahkečoahkkima álggadettiin
• válljejuvvo čoahkkinjođiheaddji.
• válljejuvvo čoahkkinčálli.
• válljejuvvojit 2 beavdegirjedárkkisteaddji.
• dohkkehuvvo čoahkkingohččun ja áššelistu.
Jahkečoahkkin galgá gieđahallat
• stivrra jahkedieđáhusa.
• reviderejuvvon rehketdoaluid.
• ovddiduvvon evttohusaid.
• ovddiduvvon doaibmaplána ja bušeahta.
• rievdadusaid miellahttumávssus.
Jahkečoahkkin galgá válljet
• jođiheaddji, stivralahtuid ja várrelahtuid.
• válgalávdegotti.
• stipeandastivrra.
• váiddalávdegotti.
• stivralahttu oktan várrelahttuin Sámikopiija stivrii ja buhtadussoabadallamiidda.
§ 6 Stivra
Stivra jođiiha searvvi doaimmaid jahkečoahkkimis nubbái. Stivrras leat 5 stivralahtu ja 3 várrelahtu ja leat jahkečoahkkimis ná válljejuvvon:
• stivrajođiheaddji ovtta jahkái hávális.
• 4 stivralahttu guovtti jahkái hávális nu ahte guovttis molsojuvvoba juohke jagi (beavdegirjái merkejuvvo stivralahtuid doaibmaáigodat).
• 3 várrelahttu ovtta jahkái hávális nummáraston 1., 2. ja 3. várrelahttu.
Ođđa stivra galgá vuosttaš čoahkkimis maŋŋil jahkečoahkkima konstitueret iežas ja válljet gii galgá leat
• nubbi jođiheaddji.
• čálli.
• ruhtadoalli.
• stivralahttu.
§ 7 Válgalávdegoddi
Válgalávdegoddi ovddida evttohusa jahkečoahkkima luohttámušolbmoválggaide. Válgalávdegottis leat 2 áirasa, jođiheaddji ja lávdegoddelahttu. Válgalávdegoddi evttoha olbmuid dáiddá luohttámušdoaimmaide:
• jođiheaddjin.
• stivralahttun/várrelahttun.
• válgálávdegoddái.
• stipeandastivrii.
• váiddalávdegoddái.
• Stivralahttu oktan várrelahtuin Sámikopiija stivrii ja buhtadussoabadallamiidda.
§ 8 Stipeandastivra (foandastivra)
Stipeandastivra (foandastivra) árvvoštallá oahppo- ja reportášamátkestipeandaohcamiid oktii jagis ja juohká stipeanddaid jos gávnnaha ohcciid ja ohccamiid ánssášit stipeandda. Stipeandastivra (foandastivra) lea sorjjasmeahtun ja dan fágalaš mearrádus ii sáhte guoddaluvvot. Stipeandastivrras lea 3 lahttut geat leat jođiheaddji ja 2 stivralahttu. Jahkečoahkkin dat vállje
• jođiheaddji.
• 2 stivralahtu.
§ 9 Váiddalávdegoddi
Váiddalávdegoddi gieđahallá áššiid gos searvvi stivrenorgánat sivahallojuvvojit rihkkut searvvi njuolggadusaid dahje jahkečoahkkima mearrádusaid. Váiddalávdegoddi sáhttá maid gieđahallat miellahttuohcama man stivra lea hilgon ja man ohcci lea váidalan váiddalávdegoddái. Váiddalávdegottis leat 3 lahttu geat leat jođiheaddji ja 2 lávdegottelahttu. Jahkečoahkkin dat vállje
• jođiheaddji.
• 2 stivralahtu.
§ 10 Dásseárvu
Sohkabeali dásseárvu galgá čuvvojuvvot go searvi vállje luohttámušolbmuid stivrii, lávdegottiide ja eará luohttámušdoaimmaide.
Stivralahtuid gaskkas berrejit leat unnimusat 40 proseantta goappáge sohkabealis. Dat sohkabealli mii lea stivrras unnitlogus berre beassat eanetlohkui várrelahtuid gaskii ja vuosttaš várrelahttu berre gullat dan sohkabeallái mii stivrras lea unnitlogus.
Guovtti ja golmma olbmo lávdegottiin/stivrrain berrejit goappáš sohkabealit ovddastuvvon. Válgalávdegottis (2), stipeandastivrras (3) ja váiddalávdegottis (3) berrejit dan gávcci lahtus unnimusat 40 proseantta goappáge sohkabealis.
§ 11 Giella
Sámi Journalisttaid Searvi atná sámegiela oktan geađgejuolgin sámevuođa ovddideamis. Danin searvi deattuha sámegiela leamen searvvi váldogiellan.
|
Sámi Journalisttaid Searvi
https://www.samijournalista.com/ [email protected] Postboks 120, 9521 Kautokeino, Norway |
Čuovo min sosiála mediain
|
