Back to Blog
Háliidat go don máilmmi suohtas barggu?
Mii Sámi Journalisttaid searvi galgat čakčat 2021 lágidit Sámi mediafestivála. Mihttun lea ásahit arena gos nannet sámegiel mediafálaldaga, nannet sámi media fágagelbbolašvuođa ja láhčit buriid digaštallamiid movt sámi media berre ovdánit. Mii dárbbašit PROŠEAKTAJOĐIHEADDJI gii midjiide veahkkin bargá festivála ollašuhttit. Mii ohcat du gii leat dárkil, dus lea nanu ollašuhttin návccat, ja nagodat bargat iešheanalaččat plánaid vuođul. Don galggašit máhttit vuovdalit festivála ja geasuhit olbmuid boahtit čuovvut festivála. Prošeaktaplána lea gárvvis ja ollu ruhtaohcamat leat sáddejuvvon. Du bargu lea válbmet festivála plána, ohcat eambbo ruhtagálduid, don maid doaimmahat prošeakta raporttaid mannjel festivála. Du bargu livččii maiddai gulahallat ja šiehtadallat logaldalliiguin ja ovttasbargoguimmiiguin. Don berret hálddašit sámegiela ja eaŋgalasgiela njálmmálaččat ja čálalaččat. Mis lea áigumuš virgádit prošeaktajođiheaddji gaskamuttos guovvamánu rájes dahje nu johtilit go vejolaš. Festivála galgá lágiduvvot čakčamánu 30. beaivvis gitta golggotmánu 2. beaivái 2021 Guovdageainnus. Prošeaktajođiheaddji bargá gitta juovlamánnui válmmastit barggus. Virgi lea jurddašuvvon leat 50 % virgi, dahje nu g o mii šiehttat. Persovnnalaš heivvolašvuohta virgái deattuhuvvo. Ohcan galgá sáddejuvvot čujuhusii: samijournalista@gmail.com. Sáhtát juobe almmuhit ge midjiide ahte dus lea beroštupmi virgái, ja mii váldit duinna oktavuođa ságastallan dihte virggi birra. Áigemearri lea Ođđájagimánu 31. Beaivvi 2021. Váldde oktavuođa min jođiheddjiin Anna Sunnain jos dus leat jearaldagat. Su jovssat anna.sunna@gmail.com e-poasta čujuhusas, dahje riŋges +46 70 180 0540. Dahje dušše váldde oktavuođa ovtta min stivraláhtuin.
Back to Blog
Sámi Journalisttaid Searvvi stipeandda ulbmil lea doarjut journalisttaid ja journalista-studeanttaid prošeavttaid ja mátkkiid mat leat journalistafágalaččat ovddádussan. Sáhttá maid ohcat ruđa dihto prošeavttaide ovddidandihte journalistalaš buktagiid dahje dutkamuša.
Stipeandda sáhttet ohcat journalisttat, govvejeaddjit ja eará bissovaš doaimmahuslaš mielbargit, dahje luođobargit, geat leat leamaš Sámi Journalisttaid Searvvi miellahtut unnimusat ovtta jagi. Ohccit galget jeavddalaččat buvttadit doaimmahuslaš buktagiid sámegiel aviissaide, radio- ja TV-sáddagiidda, áigečállagiidda, magasiinnaide, neahttaáviisaide jna. Dárkilis bušeahtta galgá čuovvut ohcámuša. Stipeanddaid sturrodagat leat NOK 5.000,- ja 30.000,- gaskka. Stipeandavuostáiváldi(t) galgá/galget gárvvistit raportta gos prošeavtta čađáheapmi ja ruhtageavaheapmi čilgejuvvo. Raporta galgá leat sámegillii ja dat galgá dahkkot maŋemusat jahkebeale maŋŋel prošeavtta čađaheami. Jos raporta ii čállo, de sáhttá stipeandafoanda bivdit juogo osiid dahje olles stipeandda máksojuvvot ruovttoluotta. Maŋŋil ollášuhtton prošeavtta lea ohcci geatnegahtton ovdanbuktit iežas barggu SJS Facebook siiddus. Stipeanda máksojuvvo guovtti oasis. Álggos máksojuvvo 75 %, ja reasta máksojuvvo go raporta lea boahtán foanddastivrii. Lassi dieđuid sáhttá jearrat stipeandalávdegotti jođiheaddjis, Per Inge Anthi Åsen, tel. +47 957 92 728 dahje e-poastta bokte: piera.inge@gmail.com Ohcan sáddejuvvo elektruvnnalaččat deike: piera.inge@gmail.com OHCANÁIGEMEARRI LEA ČAKČAMÁNU 6. BEAIVVI
Back to Blog
Háliidat go don máilmmi suohtas barggu?
Mii Sámi Journalisttaid searvi galgat giđđa 2021 lágidit Sámi mediafestivála. Mihttun lea ásahit arena gos nannet sámegiel mediafálaldaga, nannet sámi media fágagelbbolašvuođa ja láhčit buriid digaštallamiid movt sámi media berre ovdánit. Mii dárbbašit PROŠEAKTAJOĐIHEADDJI gii midjiide veahkkin bargá festivála ollašuhttit. Mii ohcat du gii leat dárkil, dus lea nanu ollašuhttin návccat, ja nagodat bargat iešheanalaččat plánaid vuođul. Don galggašit máhttit vuovdalit festivála ja geasuhit olbmuid boahtit čuovvut festivála. Prošeaktaplána lea gárvvis ja ollu ruhtaohcamat leat sáddejuvvon. Du bargu lea válbmet festivála plána, don maid doaimmahat prošeakta raporttaid mannjel festivála. Du bargu livččii maiddai gulahallat ja šiehtadallat logaldalliiguin ja ovttasbargoguimmiiguin. Don galggat hálddašit sámegiela ja eaŋgalasgiela njálmmálaččat ja čálalaččat. Mis lea áigumuš virgádit prošeaktajođiheaddji golggotmánu rájis dahje nu johtilit go vejolaš. Festivála galgá lágiduvvot njukčamánu 18-20 b 2021 Guovdageainnus. Prošeaktajođiheaddji bargá gitta miessemánnui válmmaštit barggus. Virgi lea bealle áigái. Persovnnalaš heivvolašvuohta virgái deattuhuvvo. Ohcan galgá sáddejuvvot čujuhusii: samijournalista@gmail.com. Ohcanáigemearri lea čakčamánu 6. beaivvi. Váldde oktavuođa min jođiheddjiin Anna Sunnain jos dus leat jearaldagat. Su jovssat anna.sunna@gmail.com e-poasta čujuhusas, dahje riŋges +46 70 180 0540.
Back to Blog
SJS jahkečoahkkin 20206/3/2020 Bures boahtin Sámi Journalisttaid searvvi vuosttaš digitála jahkečoahkkimii!
Mii leimmet dieđuge háliidan čohkket miellahttuideamet ovtta sadjái muhto dán áiggis dat ii leat vejolaš, sihke davvi riikaid ráddjehusaid dihte ja go mii atnit fuolas din dearvvašvuođa. Dan jaga jahkečoahkkimis beassat mearridit makkár logo dahje dovddaldatmearka searvvis galgá leat! Ja nu maid sáhttit dieđihit gii lea vuoitán logo-gilvvu. Leat vihtta evttohusa. Sámi mediat leat nugo earát ge gártan hui earenoamáš dillái korona pandemija dihte, mii eat leat hárjánan ahte riikarájit hehttejit min mátkošteamis ja ahte dat fysalaččat hehtejit min muđui rájehis ovttasbargguid ja ovttastallama. Davvi riikain leat iešguđetlágan ráddjehusat mat muđui maid váikkuhit min árgabeaivvi bargguide ja danin leat válljen ahte dát earenoamaš dilli maid galgá leat fáddán seminárii maid lágiidit jahkečoahkkima oktavuođas. Mii beassat gullat ja oahppat guhtetguoimmis movt mediadoaimmahusat sihke Norggas, Suomas ja Ruoŧas leat bargan ja čoavdán hástalusaid dán earenoamáš áiggis. Eat dieđe man guhká šaddat dáistalit dáinna pandemijain ja makkár hástalusat ain leat boahtime dan geažil. Sergey Gavrilov oaččui diibmá stipeandda čađahit reportagemátkki ja son boahtá muitalit su mátki birra Narjan Marii ja Krasnoesii. Mii sávvat ahte máŋgasis lea vejolašvuohta searvat sihke seminárii ja jahkečoahkkimii. Mii doaivut ahte nákcet čađahit dan njuovžilit vaikko šaddat leat guhtetge báikkis digitála reaidduiguin. Dáppe dieđihat iežat jahkečoahkkimii, de oaččut liŋka čoahkkimii ja doppe gávnnat áššebahpiriid. https://www.trippus.net/ASMeventSJS Leat go dus jearaldagat? Váldde oktavuođa Tina Jonssoniin ASM Eventas gii lea veahkkin lágiidit jahkečoahkkima ja digitálaččat koordinere jahkečoahkkima: +46738178928 dahje sádde maila tina.jonsson@asmevent.se ------------------------- Välkommen till Samiska journalistförbundets första digitala årsmöte! Vi hade självklart önskat att samla våra medlemmar, men vi får anpassa oss till rådande läge och gör det som är bäst för våra medlemmar, att alla får hålla sig friska. Seminaret: Rådande situation är också tema för årets seminarium i samband med årsmötet. De nordiska länderna har lite olika restriktioner och råd kring coronapandemin, vilket har påverkat oss i våra dagliga arbeten och påverkat våra liv i ett annars rätt gränslöst Sápmi. Vi kommer få höra hur redaktioner i Sverige, Norge och Finland löst utmaningarna med bland annat distansering och mera hemmajobb. Vi tänker att det är bra att få höra hur andra gör och kanske kunna ta till oss nya sätt. För vi vet ju inte hur länge vi kommer ha denna pandemi som styr mycket av våra liv och arbeten. Sergey Gavrilov fick förra året resestipendium och har genomför en foto- och reportage resa till Narjan Mar och Krasnoe, han komemr berätta om sin resa. Årsmöte: Vi ska i år få bestämma hur förbundets logga ska se ut! Och då också avgöra vem som vunnit vår logo-tävling. Alla som medverkar på årsmötet kommer få se alla förslagen. Det blir svårt och jätte roligt att få rösta! Vi hoppas att många tar sig tid och har möjlighet att medverka i detta digitala årsmöte. Så gör vi oss i stället redo för att dra ihop en riktig face-to-face träff när situationen tillåter sådant kul. Här gör du anmälan till årsmötet, då får du en link till mötet och där hittar du även alla årsmötes handlingar. https://www.trippus.net/ASMeventSJS
Back to Blog
Sámi Media festivala easka 20215/13/2020 Sámi media festivala galggai vuosttaš geardde lágiduvvot Guovdageainnus čakčamánu 24-25-26 beivviid 2020 muhto Koronavirusa sivas stivrra lea šaddan mearridan sirdit festivála njukčamánu 18-20 b 2021. |