|
Back to Blog
SJS medias3/24/2022 
SJS stivrralahtu Máret Steinfjell dan birra go ruvkefitnodat jođiheaddji sivahallá Aftonbladeta journalista leat bealálaš iežas sámi duogáža dihte. “Mon suhtadin go oidnen dan čuoččuhusa. Muhtto dat ii hirpmahuhttet mu go mon dieđan ahte olu sámi journalisttat leat vásihan dan.”
Back to Blog
Sámi journalisttaid stipeanda 20223/8/2022 Ohcanáigemearri lea miessemánu 15. beaivvi 2022!
Sámi Journalisttaid Searvvi (SJS) stipeandda ulbmil lea doarjut journalisttaid ja journalista-studeanttaid prošeavttaid ja mátkkiid mat leat journalistafágalaččat ovddádussan. Sáhttá maid ohcat ruđá dihto prošeavttaide ovddidandihte journalistalaš buktagiid dahje dutkamuša. Stipeandda sáhttet ohcat journalisttat, govvejeaddjit ja eará bissovaš doaimmahuslaš mielbargit, dahje luođobargit, geat leat leamaš SJS miellahtut unnimusat ovtta jagi. Ohccit galget jeavddalaččat buvttadit doaimmahuslaš buktagiid sámegiel avissaide, radio- dahje TV-sáddagiidda, áigečállagiidda, magasiinnaide, neahttaáviisaidde, jna. Dárkkilis bušeahtta galgá čuovvut ohcámuša. Stipeanddaid stuorradagat leat gaskal NOK 5000,- ja 30 000,-. Stipeandavuostáiváldi(t) galgá/galget gárvvistit raportta gos prošeavtta čađaheapmi ja ruhtageavaheapmi čilgejuvvo. Raporta galgá leat sámegillii, ja dat galgá dahkkot maŋemusat jahkebeale maŋŋel prošeavtta čađaheami. Jos raporta ii čállo, de sáhttá stipeandafoanda bivdit juogo osiiid dahje olles stipeandda máksojuvvot ruovttoluotta. Maŋŋil ollášuhtton prošeavtta lea ohcci geatnegahtton ovdanbuktit iežas barggu SJS Facebook siiddus. Stipeanda máksojuvvo guovtti oasis. Álggos máksojuvvo 75%, ja reasta máksojuvvo go raporta lea boahtán foanddastivrii. Lassi dieđuid sáhttá jearrat stipeandalávdegotti jođiheaddjis, Per Inge Anthi Åsen, tlf +47 957 92 728 dahje e-boasta bokte: [email protected] Ohcan sáddejuvvo elektruvnnalaččat [email protected] Ohcanáigemearri lea miessemánu 15. beaivvi 2022.
Back to Blog
Bovdehus jahkečoahkkimii2/28/2022 Njukčamánu 26. beaivvi 2022 lágiduvvo jahkečoahkkin Lapland Hotel Heahtas, ja mii bovdet dákko bokte buot miellahtuid searvat. Šaddá maid logaldallan ja workshop dan vahkkoloahpa!
Jus dus lea ášši maid háliidat jahkečoahkkin galgá gieđahallat, de fertet sáddet SJS stivrii ášši dán čujuhussii: [email protected] ovdal njukčamánu 15. beaivvi. Jus it leat miellahttu, de sáhtát šaddat go mávssát 300 ruvnno kontonr 4901 11 33710. Jus šattat miellahttun ovdal njukčamánu 19 beaivvi 2022, de leat mielde vuorbádeamis mas vuoitun lea Ipad. Searvi gokča mátki, orruma ja borrámuša bearjadagas sotnabeaivái. Mii sávvat sihke boares ja ođđa miellahtuide bures boahtin. Dieđiheapmi maila bokte: [email protected].
Back to Blog
Mii háliidit vuorbádit iPada min miellahtuid gaskkas. Jos háliidat leat mielde vuorbádeamis de fertet šaddat miellahttun ovdal njukčamánu 19 beaivvi 2022.
Mii vuorbádit iPada jahkečoahkkimis njukčamánu 26 beaivvi. Miellahtumáksu lea 300 kr jahkái. (Journ. studeanttat mákset 150 Kr) konto: 4901 11 33710 Iban: NO4749011133710 Swift/BIC: SNOWNO22 Lea dehálaš ahte maid sáddet iežat oktavuođadieđuid [email protected] čujuhussii. Máksu ferte leat min báŋkokontos maŋemusat golbma báŋkobeaivvi maŋŋel áigemeari jos galgá leat mielde vuorbádeamis.
Back to Blog
Sámi Journalista Searvi áigumus lea ahte Sámi Media Festivála šadda festivala gos mii:
Dieđit iezat festivalii dáppe: samimediafestival.com |
